«ԱԼԻՔ» – ԱԳ նախարար Սէյէդ Աբբաս Արաղչին X-ի իր միկրոբլոգում գրառում է կատարել՝ արձագանգելով Եւրամիութեան եւ Պարսից ծոցի համագործակցութեան խորհրդի ղեկավարների համատեղ հանդիպման ամփոփիչ յայտարարութեանը:
«Մեր տարածաշրջանում եւրոպացիների չարամիտ «բաժանիր, որ տիրես» քաղաքականութեան դարաշրջանը վաղուց աւարտւել է։
Իրանի մասով, Եւրամիութեան եւ Պարսից ծոցի համագործակցութեան խորհրդի ղեկավարների համատեղ հանդիպման ամփոփիչ յայտարարութիւնը բազմաթիւ ուղերձներ է պարունակում:
Մեր տեսանկիւնից պարզ է, որ փոխադարձ յարգանքի վրայ հիմնւած համագործակցութեան այն ճանապարհին, որը մենք առաջարկել ենք նրանց տարբեր հանդիպումներում, այդ թւում՝ Նիւ Եօրքում, այժմ Եւրոպայի «առճակատման» ցանկութեամբ է պատասխան տրւել՝ արգելելով քաղաքացիական աւիափոխադրումները եւ Իրանին մեղադրելով «օկուպացիայի» մէջ։
Եռեակ կղզիները միշտ պատկանել են Իրանին եւ այդպիսին կը մնան յաւերժ»,- գրել է նա:
