«Սիմփսոնները» կանխատեսե՞լ են 2024 թւականի ընտրութիւնների արդիւնքը
«ԱԼԻՔ» – Փոփ մշակոյթի աշխարհում վաղուց յայտնի է, որ «Սիմփսոնները» անիմացիոն սերիալն օժտւած է ապագան կանխատեսելու զարմանալի ունակութեամբ։ Այժմ տեսահոլովակը, որն արդէն մի քանի անգամ դարձել է վիրուսային, ըստ ամենայնի, երկրպագուներին համոզում է, որ այս ընտրութիւններում յաղթող կարող է դառնալ Քամալա Հարրիսը: Այս մասին ըստ News.am-ի՝ գրում է Euronews-ը։
ԱՄՆ ընտրութիւններին հաշւած ժամեր են մնացել, պայքարն ընթանում է հաւասար ուժերի միջեւ։
Երկարամեայ «Սիմփսոնները» անիմացիոն սիթքոմը յայտնի է դարձել նրանով, որ դրա որոշ դրւագներ եւ կատակներ վախենալու չափ մարգարեական են դարձել: Անհնար է հերքել, որ շոուի նախախնամական, կեանքի նախազգուշական ունակութիւնները տարիների ընթացքում զարմանք են յարուցել:
1990 թւականին մարդիկ բողոքում էին Միքելանջելոյի «Դաւթի» մերկութեան դէմ. մի բան, որը տեղի ունեցաւ իրական կեանքում, երբ Ֆլորիդայի դպրոցը ստիպեց իր տնօրէնին հրաժարական տալ արձանին առնչւող դասի վերաբերեալ բողոքների պատճառով:
1994 թւական. «Լիզան ընդդէմ Մալիբուի Սթէյսիի» դրւագը, որը կարծես թէ նախանշում էր Բարբիի հիստերիան, որը կապւած էր Գրետա Գերւիգի ֆիլմի թողարկման եւ Դոնալդ Թրամփի մեղադրական եզրակացութեան հետ։
1996 թւական. «Հոմերպալոզա»-ն կանխատեսեց, որ Cypress Hill հիփ-հոփ խումբը Լոնդոնի սիմֆոնիկ նւագախմբի հետ համատեղ համերգ կը կազմակերպի, ինչը տեղի ունեցաւ այս տարի:
1998 թւական. ճշգրիտ կանխատեսում, որ Disney ձեռք կը բերի 20th Century Fox կինոստուդիան… Ցանկը կարելի է շարունակել:
Բայց, թերեւս, ամենաաղմկոտ դէպքը 2000 թւականի «Բարտն ապագայում» դրւագն է, որտեղ Դոնալդ Թրամփը ԱՄՆ նախագահ դարձաւ։
Հէնց այս դրւագում է Լիզան դառնում նախագահ։ Օւալաձեւ կաբինետում կանգնած նա ասում է. «Ինչպէս գիտէք, մենք նախագահ Թրամփից բաւականին մեծ բիւջէի դեֆիցիտ ենք ժառանգել»:
2017 թւականին Թրամփի` Միացեալ Նահանգների 45-րդ նախագահ դառնալուց մէկ շաբաթ անց, շոուի սկզբում կրկնւող գրատախտակում գրւած էր. «Ճիշտ լինելը բանի պէտք չէ»: Նրանց կանխատեսումը չափազանց ճշգրիտ դարձաւ, երբ հաշւի առնենք, որ Թրամփի վարչակազմը վերահսկել է բոլոր նախագահների բիւջէի դեֆիցիտի երրորդ ամենամեծ աճը:
Նախկինում այս դրւագը վիրուսային էր, երբ Քամալա Հարրիսը դարձաւ Միացեալ Նահանգների առաջին կին փոխնախագահը, քանի որ Լիզան կրում էր շատ նման մանուշակագոյն կոստիում՝ մարգարտեայ վզնոցով եւ ականջօղերով…
Այժմ դրւագը կրկին դառնում է բոլորի շուրթերին է, քանի որ կանխատեսումը ստացաւ հետագայ հաստատում, երբ Թրամփը յայտարարեց, որ առաջադրւելու է նախագահի պաշտօնում 2024 թւականին, նոյն տարին, ինչ ի սկզբանէ կանխատեսել էին «Սիմփսոններ»-ը:
