«ԱԼԻՔ» – «Իրանը, որպէս իր ստանձնած պարտաւորութիւններին հաւատարիմ անդամ, ՄԱԳԱՏԷ-ից ակնկալում է ունենալ անկախ, պրոֆեսիոնալ մօտեցում՝ հեռու որոշ երկրնեի ճնշումներից ու քաղաքական նկատառումներից»: Անդրադառնալով ՄԱԳԱՏԷ-ի գլխաւոր տնօրէն Ռաֆայէլ Գրոսսի Թեհրան այցին, յայտարարել է ԱԳ նախարարութեան պաշտօնական ներկայացուցիչ Էսմայիլ Բաղայի Հանիէն, ԻՌՆԱ-ի քաղաքական թղթակցի հետ զրոյցում:
«Ատոմային էներգիայի միջազգային գործակալութեան գլխաւոր տնօրէնին հիւրընկալելը յստակ ապացոյցն է Իրանի Իսլամական Հանրապետութեան մօտեցման՝ շարունակելու համագործակցութիւնը գործակալութեան հետ՝ հիմնւած համապատասխան միջազգային կանոնակարգերում եւ կոնւենցիաներում նշւած պարտաւորութիւնների եւ պարտականութիւնների վրայ»,- ասել է ԱԳՆ մամլոյ խօսնակը՝ յստակեցնելով, որ պաշտօնական Թեհրանն ակնկալում է, որ ՄԱԳԱՏԷ-ն կը գործի անկախ եւ պրոֆեսիոնալ՝ չընկրկելով կազմակերպութեան որոշ անդամների ճնշումների եւ քաղաքական նկատառումների առջեւ:
Նշենք, որ ՄԱԳԱՏԷ-ի գլխաւոր տնօրէն Ռաֆայէլ Գրոսսին երէկ՝ երեկոյեան ժամանել է Թեհրան:
Այցի նախօրէին, կառավարութեան շաբաթական նիստի շրջանակում լրագրողների հետ զրոյցում ԱԳ նախարար Սէյէդ Աբբաս Արաղչին պատասխանելով Գրոսսի այցի մասին հարցին, նշել էր, որ Իրանը եւ ՄԱԳԱՏէ-ն ներգրաււած են լայնածաւալ եւ երկարատեւ համագործակցութեան մէջ՝ չնայած մի շարք մարտահրաւէրներին եւ համագործակցութեան վերաբերեալ տարբեր տեսակէտներին:
Նա յոյս էր յայտնել, որ Գրոսսի այցի ընթացքում Իրանը եւ ՄԱԳԱՏԷ-ն համաձայնութեան կը գան մի շարք տարաձայնութիւնների շուրջ:
