Նեթանիահուն եւ Թրամփը հեռախօսազրոյց են ունեցել
«ԱԼԻՔ» – Իսրայէլի վարչապետ Բենիամին Նեթանիահուն հեռախօսազրոյց է ունեցել ԱՄՆ նորընտիր նախագահ Դոնալդ Թրամփի հետ: Հաղորդում են միջազգային ԶԼՄ-ները:
Հեռախօսազրոյցի վերաբերեալ պաշտօնական հաղորդագրութիւններ կամ վերծանումներ չկան։
Ըստ իսրայէլական լրատւամիջոցների՝ Թրամփն ու Նեթանիահուն քննարկել են պատանդներին ազատելու հնարաւոր գործարքը, Գազայի պատերազմը եւ Սիրիայում տիրող իրավիճակը։
Աւելի ուշ, Նեթանիահուն յայտարարել է, որ դա «շատ բարեկամական, բաւական ջերմ եւ անչափ կարեւոր խօսակցութիւն էր» Իսրայէլի կողմից «իր յաղթանակն աւարտելու» անհրաժեշտութեան մասին:
«Մենք հաւատարիմ ենք «Հեզբօլլահ»-ի վերազինումը կանխելուն: Սա մշտական փորձութիւն է Իսրայէլի համար, մենք պէտք է դիմագրաւենք դրան, եւ կը դիմագրաւենք: Նա յաւելել է, որ միանշանակ զգուշացրել է «Հեզբօլլահ»-ին եւ Իրանին՝ որ Իսրայէլին չվնասելու համար կը շարունակենք գործել նրանց դէմ այնքան ժամանակ, որքան անհրաժեշտ է, ցանկացած ասպարէզում, ցանկացած պահի:
Միեւնոյն ժամանակ Նեթանիահուն կրկնել է, որ «վերջին աւիահարւածները սիրիական ռազմական օբիեկտներին իրականացւել են այն նպատակով, որ ապագայում Իսրայէլի դէմ զէնք չկիրառւի»։
Նրա խօսքով՝ Իսրայէլը յարձակւել է նաեւ «Հեզբօլլահ»-ի զէնքի մատակարարման ուղիների վրայ։
«Մենք շահագրգռւած չենք Սիրիայի հետ հակամարտութեամբ: Կը ձեւաւորենք Իսրայէլի սիրիական քաղաքականութիւնը՝ ըստ տեղում առկայ իրողութիւնների»,- ասել է նա՝ պնդելով, որ Իսրայէլը փոխում է Մերձաւոր Արեւելքը:
