ՄիջազգայինՔաղաքական
Պուտին. ««Օրեշնիկ»-ի միանգամից մի քանի հրթիռների օգտագործումը համեմատելի է միջուկային զէնքի հետ»
«ԱԼԻՔ» – «Միջին հեռահարութեան նոր «Օրեշնիկ» հրթիռային համակարգը, որն արդէն հասցրել է լաւ ներկայանալ, շատ հզօր զէնք է: Այդպիսի մի քանի համակարգերի միաժամանակեայ կիրառումը իր ուժով համեմատելի է միջուկային զէնքի օգտագործման հետ»: Այս մասին ըստ ռուսական ՏԱՍՍ-ի՝ՌԴ նախագահ Վլադիմիր Պուտինը յայտարարել է պաշտպանութեան նախարարութեան կոլեգիայի նիստում:
««Օրեշնիկ» համալիրն արդէն ապացուցել է իրեն, շատ հզօր է, ես ուզում եմ նորից կրկնել, գիտեն փորձագէտները: Ռազմավարական հրթիռային ուժերի հրամանատարն այստեղ է, նա այդպէս է կարծում եւ ինձ ասաց այդ մասին»,- ասել է Պուտինը՝ յաւելելով. «Երբ օգտագործւում են բարդ ձեւով, երբ մի քանի համալիրներ օգտագործւում են խմբերով միանգամից, դա իր հզօրութեամբ համեմատելի է միջուկային զէնքի օգտագործման հետ»:
