«ԱԼԻՔ» – Իրանի բանակի ՀՕՊ ստորաբաժանումները փայլեցին միկրո-թռչնակններին յայտնաբերելու եւ ոչնչացելու վարժութիւններով:
Երկրի տարբեր հատւածներում տեղի ունեցող «Էղթէդար» զօրավարժութեան առաջին փուլում, Ֆորդուի եւ Խոնդաբի վրայ ենթադրեալ թշնամու միկրօ ԱԹՍ-ների գիշերիային գրոհը չէզոքացւել է Իրանի բանակի ՀՕՊ-ի համակարգերի կողմից:
Բանակի ՀՕՊ ստորաբաժանումները երկրի հակաօդային պաշտպանութեան միասնական համակարգի շտաբի հրամանատարութեամբ մարտական առաջադրանքները կատարելով յաջողութեամբ յայտնաբերել եւ ոչնչացրել են իրականացւող գրոհները:
Զօրավարժութիւնների ընթացքում անթերի մասնակցութիւն է ունեցել տեղական արտադրութեամբ «Խորդադ 15»-ի հրթիռային համակարգը, տեղեկացնում է ԻՍՆԱ-ն:
Աղբիւրի համաձայն, բանակի հակաօդային պաշտպանութեան ուժերը հետախուզական գործողութիւններ են իրականացրել՝ օգտագործելով տարբեր ռադիոտեղորոշիչներ եւ ազդանշանային ու օպտիկական սենսորներ:
Զօրավարժութիւնների յաջորդ փուլում իրականացւել են բանակային օդուժի օդաչուաւոր ինքնաթիռների որսողական գործողութիւններ, հակայարձակողական պաշտպանութեան պլաններ եւ համակարգերի մարտավարական տեղաշարժ, զօրավարժութիւններին ընդգրկւած տարածքներում հրթիռային համակարգերի շարժունակութեան եւ կրակային մարտավարութեան իրականացում։
Մէկ այլ հաղորդման համաձայն այսօր բանակի եւ պաշտպանութեան նախարարութեան կողմից նախագծւած ու արտադրւած թւով 1000 միաւոր ռազմավարական բարձր նշանակութեամբ անօդաչու թռչող սարքով համալրւելու է բանակի արսենալը:
Անօդաչու թռչող սարքերով բանակը համալրելու արարողութիւնը տեղի կունենայ այսօր՝ Իրանի Իսլամական Հանրապետութեան բանակի պետ գեներալ-մայոր Սէյէդ Աբդոլրահիմ Մուսաւիի եւ Պաշտպանութեան եւ ԶՈՒ-ի լոգեստիկայի նախարար՝ բրիգադային գեներալ Ազիզ Նասիրզադէի մասնակցութեամբ։
