ԻրանՄիջազգայինՔաղաքական
Իսրայէլի նախագահ. «Իրանը կը դառնայ Թրամփի օրակարգի գլխաւոր հարցը»
«ԱԼԻՔ» – Իսրայէլի նախագահ Իցհակ Հերցոգը յայտարարել է, որ Իրանը կը դառնայ ԱՄՆ նոր նախագահ Դոնալդ Թրամփի «օրակարգի գլխաւոր հարցը»: Այս մասին ըստ իսրայէլական ԶԼՄ-ների՝ Դաւոսի Համաշխարհային տնտեսական համաժողովում լրագրող Ֆարիդ Զաքարիայի հետ զրոյցում յայտարարել է նա։
«Իրանը կը դառնայ նրա օրակարգի գլխաւոր հարցը շատ մօտ ապագայում, եւ այն պէտք է քննարկւի»,- ասել է Հերցոգը:
«Իրանը չի կարող միջուկային ներուժ ունենալ եւ պէտք է վերջ տայ իր դրածոներին եւ «չարիքի առանցքին»»,- յայտարարել է Իսրայէլի նախագահը:
Նա կրկին մտացածին յայտարարութիւններ է կատարել միջուկային ռումբ ստեղծելու Իրանի մտադրութեան եւ ցանկութեան մասին եւ պաշտօնական Թեհրանին մեղադրել է աշխարհում եւ տարածաշրջանում «ահաբեկչութիւն» կազմակերպելու մէջ:
