Վարդան Ոսկանեան. «Ռուս-ադրբեջանական յարաբերութիւններում առկայ մեղմ ասած տարաձայնութիւնները արդէն իսկ զգալիօրէն տեսանելի են դառնում»
«ԱԼԻՔ» – Իրանագէտ Վարդան Ոսկանեանը սոցցանցերի իր հարթակներում գրառում է կատարել՝ անդրադառնալով ռուս-ադրբեջանական յարաբերութիւններում առկայ տարաձայնութիւններին:
«Բաքւի բարբարոսական վարչախմբի եւ Ռուսաստանի միջեւ «օդանաւային հակամարտութիւնը» շարունակւում է։
Այս վարչախմբի ամենայայտնի քարոզչամիջոցներից «Թուրան» գործակալութիւնը տեղեկատւութիւն է տարածել, որ անձամբ Բաքւի բռնապետի ինքնաթիռը Ռուսաստանի օդային տարածքում անցեալ տարեվերջին ենթարկւել է ռադիոէլեկտրոնային պայքարի միջոցների ազդեցութեան եւ հաշւի առնելով բարձր ռիսկայինութիւնը ստիպւած է եղել վերադառնալ արհեստածին Ադրբեջան։
Մեր տարածաշրջանը յարափոփոխ վիճակում է, երբ ամէն ինչ գրեթէ ամենօրեայ ռեժիմով զարգանում, փոփոխւում եւ շրջադարձերի է ենթարկւում։
Այս առումով ամենեւին էլ բացառութիւն չեն ռուս-ադրբեջանական յարաբերութիւնները որոնցում առկայ խութերն ու, մեղմ ասած, տարաձայնութիւնները արդէն իսկ զգալիօրէն տեսանելի են դառնում»,- գրել է նա։
