Գուտերէշ. «Պէտք է ամէն գնով խուսափել Գազայի հատւածում հակամարտութեան վերսկսումից»
«ԱԼԻՔ» – Պաղեստինեան խմբաւորման՝ գերիների փոխանակումը դադարեցնելու մտադրութեան մասին յայտարարութիւնից յետոյ ՄԱԿ-ի գլխաւոր քարտուղար Անտոնիօ Գուտերէշը պաղեստինեան ՀԱՄԱՍ խմբաւորմանը յորդորել է երեքշաբթի շարունակել պատանդների ծրագրւած ազատ արձակումը։ Այս մասին յայտնում է Reuters-ը:
«Մենք պէտք է ամէն գնով խուսափենք Գազայում ռազմական գործողութիւնների վերսկսումից, որը կը յանգեցնի հսկայական ողբերգութեան։ Երկու կողմերն էլ պէտք է լիովին յարգեն հրադադարի համաձայնագրով իրենց ստանձնած պարտաւորութիւնները եւ Դոհայում վերսկսեն բանակցութիւնները երկրորդ փուլի համար»,- ասւած է յայտարարութիւնում։
ԱՄՆ նախագահ Դոնալդ Թրամփն իր հերթին երկուշաբթի յայտարարել է, որ ՀԱՄԱՍ-ը պէտք է շաբաթ օրը ազատ արձակի Գազայում պահւող բոլոր պատանդներին, հակառակ դէպքում նա կառաջարկի չեղարկել հրադադարը:
