ՔՊ-ականների աղմուկն ու հիստերիան. ի՞նչ էր կատարւում ԵԱՀԿ ԽՎ նստաշրջանում
«ԱԼԻՔ» – ԵԱՀԿ ԽՎ երեք յանձնաժողովների համատեղ նիստում, փետրւարի 20-ին եւ 21-ին ելոյթ է ունեցել նաեւ «Հայաստան» խմբակցութեան պատգամաւոր, ԵԱՀԿ ԽՎ-ում ՀՀ ԱԺ պատւիրակութեան անդամ Լիլիթ Գալստեանը։ Նա իր ելոյթներով միջազգային հանրութեան ուշադրութիւնն է հրաւիրել Բաքւի ագրեսիւ քաղաքականութեան, ցեղասպան գործողութիւնների եւ անպատժելիութեան, արցախցիների՝ միջազգայնօրէն ամրագրւած իրաւունքների ոտնահարման եւ մի շարք հարցերի վրայ։ Պատգամաւորը կրկին յիշեցրել է, որ Բաքւի բանտերում Արցախի ռազմաքաղաքական ղեկավարութիւնը, գերիները կտտանքների են ենթարկւում ու նշել, որ նրանց դատում են որպէս ահաբեկիչներ՝ սոսկ հայ լինելու հագամանքով պայմանաւորւած: Ըստ այդմ՝ պատգամաւորը պաշտօնապէս առաջարկել է, որպէսզի ԵԱՀԿ ԽՎ-ն դիտորդական առաքելութիւն ուղարկի Բաքու՝ դիտարկելու այդ դատավարութիւնները:
Լիլիթ Գալստեանի ելոյթը մեծ աղմուկ է հանել իշխանականների շրջանում։ Թէ իրականում ինչի հետ հաշտ չեն ՔՊ-ականները:
