Արցախի քաղաքական ուժերի ներկայացուցիչներն այցելել են հացադուլի մէջ գտնւող Մանէ Թանդիլեանին
«ԱԼԻՔ» – Արցախի Հանրապետութեան խորհրդարանում ներկայացւած քաղաքական ուժերի՝ Հ. Յ. Դաշնակցութեան Արցախի ԿԿ-ի, «Արդարութիւն» եւ «Արցախի ժողովրդավարական» կուսակցութիւների ներկայացուցիչներն այսօր (մարտի 12-ին-ԽՄԲ.) այցելել են հացադուլի մէջ գտնւող Մանէ Թանդիլեանին։ Լուրը հաղորդել է news.am-ը:
Արցախի քաղաքական ուժերի ներկայացուցիչներն իրենց աջակցութիւնն են յայտնել Մանէ Թանդիլեանին ու յորոդորել՝ դադարեցնել առողջութեան վտանգումը եւ փորձել պայքարի այլ միջոցներով ձայնը հասանելի դարձնել։ Մանէ Թանդիլեանը հացադուլ է յայտարարել՝ խնդրելով Բաքւի բանտում պատանդառւած Ռուբէն Վարդանեանին դադարեցնել հացադուլը։
Այս օրերին՝ ի աջակցութիւն Բաքւում կեղծ դատավարութեամբ դատւող հայ գերիների, տարբեր ակցիաներ են կազմակերպւում ՀՀ-ում եւ Սփիւռքում։ Լսելի են նաեւ միջազգային արձագանգներ․ ՄԱԿ-ի Մարդու իրաւունքների բարձր յանձնակատարը պահանջել է Ադրբեջանում պահւող հայ գերիներին ազատ արձակել, նամակներ են յանձնւել ՀՀ արտգործնախարարութեանը եւ Շւէյցարիայի դեսպանութեանը։ ՀՅԴ Հայ Դատի յանձնախմբերն ամենօրեայ աշխատանք են տանում հայ պատանդների ազատ արձակման ուղղութեամբ։
