«ԱԼԻՔ» – ԱԳ նախարա Արաղչին Instagram-ի իր էջում հաստատել է ԱՄՆ նախագահի նամակի ստացումը, տեղեկացնում են իրանական ԶԼՄ-ները:
ԱԳ նախարար Սէյեդ Աբբաս Արաղչին ԱՄԷ-ի պաշտօնեայի հետ հանդիպման մասին գրել է. «Այսօր երեկոյան (չորեքշաբթի՝ մարտի 12-ին-ԽՄԲ) ես ընդունել եմ Արաբական Միացեալ Էմիրութիւնների ղեկավարի դիւանագիտական խորհրդական պարոն Անւար Ղարղաշին»։
Նա յաւելել է.«Երկկողմ յարաբերութիւնների ու տարածաշրջանային հարցերի շուրջ քննարկումներից բացի, նամակ ենք ստացել Միացեալ Նահանգների նախագահի»։
Աւելի վաղ ԱՄՆ նախագահ Դոնալդ Թրամփը Fox News-ին տւած հարցազրոյցում յայտարարել էր, որ նամակ է ուղարկել Իրանի գերագոյն առաջնորդին՝ նշելով, որ ցանկանում է Թեհրանի հետ բանակցել միջուկային ծրագրի շուրջ։
