Փաշինեանն Ալիեւի հետ խաղաղութեան մասին որեւէ բանակցութիւն չի վարել եւ չի վարում
«ԱԼԻՔ» – Փաշինեանն Ալիեւի հետ խաղաղութեան մասին որեւէ բանակցութիւն չի վարել եւ չի վարում, ուստի ձեռք բերւած պայմանաւորւածութիւնները չեն կարող ապահովել խաղաղութիւն եւ կայունութիւն։
Այդ պայմանաւորւածութիւնների արդիւնքւոմ ՀՀ-ն որեւէ ձեռքբերում չունի։
Աւելին, Ադրբեջանի հետ ձեռք բերւած պայմանաւորւածութիւնները եւ համաձայնեցւած փաստաթուղթը
– չի յստակեցնում Հայաստան-Ադրբեջան սահմանագիծը,
– չի ապահովում Ադրբեջանի զինւած ուժերի դուրսբերումը Հայաստանի օկուպացւած տարածքներից,
– չի կանխում Ադրբեջանի հետագայ ագրեսիան,
– չի անդրադառնում նոյեմբերի 9-ի եռակողմ համաձայնութեամբ ամրագրւած արցաախահայերի վերադարձի իրաւունքին,
– չի լուծում Ադրբեջանում պահւող հայ ռազմագերիների վերադարձի խնդիրը։
Սա փաստացի Փաշինեանի կողմից գրաւոր պարտաւորւածութիւն է ՀՀ Սահմանադրութիւնը փոխելու մասին։
Մենք թոյլ չենք տալու Ադրբեջանի կամքով ՀՀ սահմանադրութեան փոփոխութիւն։ Դա տեղի չի՛ ունենալու։
Վստահ եմ՝ այս հարցում հանրութեան ծանրակշիռ մեծամասնութիւնը լինելու է մեր բնական դաշնակիցը։
ԻՇԽԱՆ ՍԱՂԱԹԷԼԵԱՆ
ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցութեան պատգամաւոր
