Հայաստան - ԱրցախՔաղաքական

ՔՊ-ն կորցրեց Գիւմրին, Վարդան Ղուկասեանը կը դառնայ քաղաքապետ

«ԱԼԻՔ» – Գիւմրիում, մարտի 30-ին տեղի ունեցած համայնքային ընտրութիւնները հասան տրամաբանական հանգուցալուծման։

«Մեր քաղաքը» դաշինքի ղեկավար, քաղաքապետի թեկնածու Մարտուն Գրիգորեանը յայտարարել է, որ «Գիւմրու եւ գիւմրեցիների ընդհանուր շահը գերադասում է անձնական շահերից եւ մօտեցումներից»ու աւագանու առաջին նիստին կապահովի անհրաժեշտ քւէները, որպէսզի Վարդան Ղուկասեանը դառնայ քաղաքապետ։

Այսպիսով ՀՀ երկրորդ քաղաքում Նիկոլ Փաշինեանի «Քաղաքացիական պայմանագիր»կուսակցութիւնը կորցնելու է իշխանութիւնը։

Յիշեցնենք, որ Գիւմրիում կայացած աւագանու ընտրութիւնների աւարտից յետոյ, ընդդիմադիր միւս թեկնածուներ` Ռուբէն Մխիթարեան («Իմ հզօր համայնք» դաշինք) եւ Կարէն Սիմոնեանը («Մայր հայրենիք» դաշինք) յայտարարել էին, որ միանում են Վարդան Ղուկասեանին։

Իշխող «Քաղաքացիական պայմանագիր» կուսակցութեան պարտութիւնն աւելի ծանր է դառնում նոյն օրը Փարաքար համայնքում տեղի ունեցած աւագանու ընտրութիւնների ֆոնին, որտեղ ընդդիմութեան միասնական թեկնածուն ջախջախիչ յաղթանակ էր տարել ՔՊ-ի առաջադրած թեկնածուի նկատմամբ։

Related Articles

Back to top button