«ԱԼԻՔ» – Զինւած ուժերի գլխաւոր շտաբի պետ, գեներալ-մայոր Մոհամմադ Բաղերին յայտարարել է, որ երկիրը լիովին պատրաստ է ամբողջ ուժով պատասխանել ցանկացած սպառնալիքի։ Այս մասին է տեղեկացրել ՄԵՀՐ-ը։
«Իրանը տարածաշրջանում խաղաղութեան եւ անվտանգութեան հաստատմանն է ձգտում։ Մեր բոլոր ջանքերը զսպման միջոցներով պէտք է ուղղւած լինեն արդիւնաւէտ պաշտպանութեանը, կայուն անվտանգութեանը, կայունութեանը եւ խաղաղութեանը»,- ընդգծել է գեներալ Բաղերին։
Նա նշել է նաեւ, որ Իրանը պատրաստ է միջուկային ծրագրերի շուրջ վեսկսել բանակցութիւնները, սակայն կը բանակցի միջնորդաւորւած ձեւաչափով:
«Իրանի միջուկային նախկին բանակցութիւններում ԱՄՆ-ը ցոյց տւեց իր զրպարտիչ ու գործը տապալողի կեցւածք, ինչը խօսում է նրա դաւաճան էութեան մասին նաեւ»,- յաւելել է ԶՈՒ-ի գլխաւոր շտաբի հրամանատարը:
