Իրանի ԱԳ նախարարը կը մեկնի Մոսկւա. քննարկւելու են ԱՄՆ-ի հետ բանակցութիւնների արդիւնքները
«ԱԼԻՔ» – Իրանի արտգործնախարար Աբբաս Արաղչին շաբաթւայ վերջին ծրագրւած այցով կը մեկնի Մոսկւա։ Այս մասին յայտնել է Իրանի ԱԳՆ պաշտօնական ներկայացուցիչ Իսմայիլ Բաղային, փոխանցում է «ՌԻԱ Նովոստի»-ն։
«Ընդգծում եմ՝ սա նախապէս ծրագրւած այց է, բայց, իհարկէ, այս հնարաւորութիւնը կօգտագործւի Մասղաթում կայացած Իրան-ԱՄՆ բանակցութիւնների հետ կապւած վերջին զարգացումները քննարկելու համար»,- ասել է դիւանագէտը։
Ապրիլի 12-ին Օմանում տեղի են ունեցել Իրանի եւ ԱՄՆ-ի անուղղակի բանակցութիւնները, որոնց ընթացքում կողմերը միջնորդների միջոցով մտքերով են փոխանակւել։ Հանդիպումը տեւել է աւելի քան երկու ժամ։
Վաշինգտոնն ու Թեհրանը ծրագրում են մէկ շաբաթից կրկին հանդիպել՝ քննարկելու միջուկային հիմնախնդրի լուծման հիմնական կէտերն ու Իրանի նկատմամբ պատժամիջոցների հնարաւոր չեղարկումը։
