Ֆրանսիայի ԱԳ նախարար. «Երեւանի եւ Բաքւի միջեւ խաղաղութեան պայմանագիրը պէտք է ստորագրւի, կամայականօրէն բանտարկւածները պէտք է ազատ արձակւեն»
«ԱԼԻՔ» – Ֆրանսիայի Եւրոպայի եւ արտաքին գործերի նախարար Ժան-Նոէլ Բարոն յայտարարել է, որ Հայաստանի եւ Ադրբեջանի միջեւ խաղաղութեան շուրջ համաձայնեցւած տեքստը պէտք է ստորագրւի, իսկ Բաքւում կամայականօրէն ձերբակալւած հայ բանտարկեալները պէտք է ազատ արձակւեն։
«Արմէնպրես»-ի հաղորդմամբ՝ այս մասին Ֆրանսիայի ԱԳ նախարարը յայտարարել է Լիւքսեմբուրգում Եւրոպական միութեան արտաքին գործերի նախարարների հանդիպման ընթացքում ունեցած ճեպազրոյցի ժամանակ։
Ժան-Նոէլ Բարոն իր խօսքում անդրադարձել է Հայաստանի եւ Ադրբեջանի միջեւ սահմանային լարւածութեանը՝ յոյս յայտնելով, որ այդ լարւածութեան զսպման գործում իր ներդրումը կարող է ունենալ Հայաստանում ԵՄ դիտորդական առաքելութիւնը։
«Ինչ վերաբերում է Ադրբեջանին, ես չափազանց անհանգստացած եմ սահմանին աճող լարւածութեամբ: Յուսով եմ, որ տեղում տեղակայւած եւրոպական առաքելութիւնը կարող է ամրապնդւել իրավիճակն արդիւնաւէտ վերահսկելու եւ այդ լարւածութիւնը զսպելու համար: Խաղաղութեան պայմանագիրը վերջապէս պէտք է ստորագրւի, եւ կամայականօրէն ձերբակալւածներն ու բանտարկեալները պէտք է ազատ արձակւեն»,-ընդգծել է Ֆրանսիայի ԱԳ նախարարը:
Լուրը հաղորդում է alphanews.am–ը:
