Մհեր Մելքոնեան. «Անհրաժեշտ է գործող ապազգային իշխանութեան դէմ քաղաքացիական դիմադրութիւն․ նիկոլական իշխանութիւնն ապացուցել է իր անկարողութիւնը»

«ԱԼԻՔ» – ՀՅԴ Շիրակի Մարզային կոմիտէի ներկայացուցիչ, ՀՀ ԱԺ «Հայաստան» խմբակցութեան պատգամաւոր Մհեր Մելքոնեանը ֆէյսբուքեան իր էջում գրել է.

«Հայաստանի Հանրապետութեան իշխող մեծամասնութիւնն իր գոյութեան իմաստը տեսնում է անհեթեթ հակահայկական քաղաքականութեան մէջ՝ անտեսելով ազգային, ժողովրդի շահերը եւ քանդելով իրաւական պետութեան հիմքերը։

Մեր երկիրը, նրա ժողովուրդը, անվտանգային եւ սոցիալական համակարգերը, մշակոյթն ու տնտեսութիւնը ոչնչացւում են։

Վարչապետ կոչեցեալը ձեւաւորում է տոտալիտար, բռնապետական պետական համակարգ:

Հայաստանում տիրող աղետալի իրավիճակից ելնելով մեր հայկրենակիցները պէտք է յստակ քաղաքացիական դիրքորոշում ունենան։

Վստահ եմ, որ մեր հանրապետութեանն առաւել քան երբեւէ անհրաժեշտ է գործող ապազգային իշխանութեան դէմ քաղաքացիական դիմադրութիւն։ Հայաստանի իւրաքանչիւր քաղաքացու դիմադրութեան հիմքը պէտք է լինի մեր երկրի տարածքային ամբաղջականութիւնը, սահմանադրութեան անձեռնմխելիութիւնը, օրինականութեան, քաղաքացիների իրաւունքների եւ ազատութիւնների պաշտպանութեան վերաբերեալ քաղաքացիական ամուր դիրքորոշումը։

Մեր երկրին պէտք է ազգային իշխանութիւն, արժանապատւութիւն, խաղաղութիւն, օրէնք եւ արդարութիւն, այլ ոչ թէ կեղծիք, անվերջ զիջումներ, անգործունակ օրէնքներ եւ իշխանութիւնների կողմից կամայական կառավարում։

Անօրինականութեան ճանապարհով գնացող նիկոլական իշխանութիւնն այս տարիների ընթացքում ապացուցել է իր անարժէքութիւնը, անկարողութիւնն ու դատարկութիւնը»։