Նժդեհ Գարագաւորեան. «Եւրոպան այլեւս չի կարողանալու պահել Փաշինեանին. իշխանափոխութիւնն արդէն այնքան էլ անհաւանական չէ»
«ԱԼԻՔ» – «ՀՅԴ Նոր Սերունդ» Երիտասարդական միութեան Կենտրոնական վարչութեան ներկայացուցիչ Նժդեհ Գարագաւորեանը Alpha News-ի հետ զրոյցում խօսել է Հայոց Ցեղասպանութեան 110-րդ տարելիցին նւիրւած միջոցառումների մասին ու անդրադարձել նաեւ վարչապետ Նիկոլ Փաշինեանի՝ վերջին շրջանում Ցեղասպանութեան իրողութիւնը կասկածի տակ դնող սկանդալային յայտարարութիւներին:
«Մեզ վրայ ոչ մի կերպ չի ազդել Նիկոլ Փաշինեանի քայքայիչ հռետորաբանութիւնը: Կարող ենք ասել, որ դա նաեւ թուրքական հռետորաբանութիւն է: Փոխւել է միայն դէմքը. եթէ երէկ Չաւուշօղլուն կամ Էրդողանն էին այդ բառամթերքն օգտագործում, այսօր արդէն դժբախտաբար Նիկոլ Փաշինեանն է այդ նոյն կեղծիքը, բառամթերքը տարածում»,- ասել է մեր զրուցակիցը:
Նրա խօսքով՝ իրենց համար Ցեղասպանութեան 110-րդ տարելիցը նշելը մեծ պատասխանատւութիւն է:
