Դիւանագէտների Համահայկական խորհրդի յայտարարութիւնը
Հայաստանի գործող վարչախումբն այսօր փորձել է անել այն, ինչ դարերով չի յաջողւել մեր թշնամիներին: Այդուհանդերձ, ի հակառակ հաւատացեալ հայ ժողովրդին նսեմացնելու եւ քաղաքացիական բախումներ հրահրելու, իշխանութիւնների բացայայտ քայլերի, ակնյայտ է աշխարհասփիւռ մեր ժողովրդի ճնշող մեծամասնութեան լիակատար ու անվերապահ աջակցութիւնը Մայր Աթոռին եւ մեր հոգեւոր արժէքներին:
Վերջին օրերի շարունակական սանձարձակ յարձակումներն ուղղւած են ոչ միայն Վեհափառ Հայրապետի կամ որեւէ հոգեւորականի դէմ, այլեւ, ըստ էութեան, բացայայտ պատերազմ են մեր ազգային ինքնութեան, միասնականութեան եւ սրբութիւնների դէմ ու անթաքոյց ուղիղ հարւած են մեր պետականութեան հիմքերին:
Վերահաստատելով իր անսասան աջակցութիւնը Հայաստանեայց Առաքելական Սուրբ Եկեղեցուն, Դիւանագէտների համահայկական խորհուրդը հորդորում է ազգային ու պետականամէտ բոլոր ուժերին անհետաձգելիօրէն մշակել եւ գործի դնել ժողովրդի համախմբումն ապահովող քաղաքական յատուկ գործիքակազմ երկրում ներքին համերաշխութեան ու սահմանադրականութեան ապահովման եւ նոր իշխանութեան ձեւաւորման համար:
Պահն առաւել քան օրհասական է եւ իւրաքանչիւրիցս պահանջում է անձնական բարձր պատասխանատւութիւն: Լռութիւնն այլեւս անթոյլատրելի է:
