Վարդան Օսկանեան. «Հայաստանն այսօր աւտորիտար պետութիւն է»

«ԱԼԻՔ» – «Հայաստանն այսօր աւտորիտար պետութիւն է, եկէք սա իսկապէս բոլորս գիտակցենք, արձանագրենք, որպէսզի յետոյ ինչ տեղի ունենայ, ոչ զարմանանք, ոչ ապշենք, ասենք՝ վայ, բա ոնց նման բան եղաւ։ Այդպէս է լինելու, քանի որ մենք ապրում ենք աւտորիտար իշխանութեան ներքոյ»,-նման համոզման է ԱԳ նախկին նախարար Վարդան Օսկանեանը։

Նա ընդգծել է՝ փաստ է, որ այսօր Սահմանդրութիւնը, օրէնքները իշխանութեան կողմից չեն յարգւում։ Օսկանեանը համոզւած է, որ այս ամէնի հիմքում Արցախի խնդիրն է։

«Տեսէք, Փաշինեանն Արցախը յանձնել է Ադրբեջանին։ 2018-ից Փաշինեանի սկզբնական մեղքը Ղարաբաղի յանձնում է՝ միանձնայ, իր սխալների արդիւնքում, մտածւա՞ծ, թէ՞ չմտածւած, էական չի։ Փաշինեանը ամենահայակական հողակտորը յանձնել է Ադրբեջանին, սա Փաշինեանի իշխանութեան սկզբանական մեղքն է, եւ սրա համար Փաշինեանը մկրտութիւն չունի, միակ մկրտութիւնը նրա՝ իշխանութեան մնալն է»,- ընդգծել է Օսկանեանը՝ եւս մէկ անգամ շեշտելով, որ միջազգային հանրութիւնում Արցախի հարցը փակւած չէ, եւ սա ամենեւին էլ էմոցիոնալ յայտարարութիւն չէ։