Պայմանագիրը կը ստորագրւի դեկտեմբերին
Չնայած Ալիեւի հետ հանդիպումից յետոյ պաշտօնական Երեւանը 5 ժամ տեւած բանակցութիւնների արդիւնքների մասին որեւէ կոնկրետ ինֆորմացիա չյայտնեց, սակայն ադրբեջանական լրահոսը գաղտնազերծեց տեղի ունեցածը։ Ըստ ադրբեջանական մամուլի՝ խաղաղութեան պայմանագիրը նախաստորագրւել է, կողմերը համաձայնութեան են եկել «Զանգեզուրի միջանցք»-ի հարցում։
Ի դէպ, յուլիսի 10-ին նաեւ ՀՀ ԱԳ փոխնախարարը յայտարարեց, որ Հայաստանը դէմ չէ ճանապարհի վերահսկողութիւնն «արտապատւիրակելուն»։ Իսկ բուն պայմանագիրը կը ստորագրւի դեկտեմբերին։ Հէնց սրան էին ուղղւած Հայաստանում փաշինեանական իրաւապահների գործողութիւնները, մասնաւորապէս՝ ՀՅԴ-ականների ձերբակալութիւնները։
Բանն այն է, որ խաղաղութեան պայմանագրի համաձայնեցւած կէտերից մէկն էլ այն մասին է, որ կողմերը պէտք է պայքարեն իրենց պետութեան ներսում միւս կողմի նկատմամբ սեպարատիստական յայտարարութիւններ անող խմբերի դէմ։ Այսինքն՝ Հայաստանում ընդդիմադիր կուսակցութիւններ, անհատներ չպէտք է լինեն՝ Ալիեւին եւ Ադրբեջանին, նաեւ՝ Փաշինեանին քննադատող: Բոլորը պէտք է Փաշինեանի պէս նրան յարգեն ու կիրթ անձնաւորութիւն համարեն: Մեզ ասացին՝ թիրախում ՀՅԴ-ն է, ապա՝ ՀՀԿ-ն:
«Հրապարակ»
