Տիգրան Աբրահամեան. «Այն ֆանտաստիկ երեւակայութիւնն ու այլասերւած միտքը, որը քաղաքական իշխանութիւնն ու իրաւապահ համակարգն են կառուցում, բազում բռնապետներ պարզապէս կերազէին»
«ԱԼԻՔ» – «Իշխանական քարոզչութիւնը Բագրատ Սրբազանի թեման աստիճանաբար վերածում է ահասարսուռ մի պատմութեան, որտեղ կայ բարի իշխանութիւն եւ արիւնարբու ընդդիմախօսներ»։ Այս մասին ֆէյսբուքեան իր էջում գրել է Տիգրան Աբրահամեանը։
«Այն, որ մեր երկրում անմեղութեան կանխավարկածը վերցրել ու աղբն են նետել, դա արդէն բոլորը գիտեն, բայց այն ֆանտաստիկ երեւակայութիւնն ու այլասերւած միտքը, որը քաղաքական իշխանութիւնն ու իրաւապահ համակարգն են կառուցում, բազում բռնապետներ պարզապէս կերազէին:
Մի կողմ դնենք այն հանգամանքը, որ իշխանութիւնը հրաժարւում է ամբողջական ձայնագրութիւններ հրապարակել կամ եղածը միջազգային փորձաքննութեան ենթարկել, նրանք աւելի առաջ են գնացել. իւրաքանչիւր ՔՊ-ական իր պարտքն է համարում թեման ըստ ճաշակի ու երեւակայական թռիչքի զարգացնել:
Իշխանութիւնն առաւել քան երբեւէ շատ յստակ հանրութեանն ազդակ է յղել առ այն, որ երբ ուզի, ում ուզի մի յօդւած կը գտնի եւ ազատութիւն կը զրկի»,- գրել է նա:
