Հայաստան - ԱրցախՔաղաքական
Արամ Վարդեւանեան. «Պաշտօնապէս յայտարարում է ՀԱԵ-ի եւ Վեհափառի նկատմամբ ոտնձգութեան ցանկութեան մասին»
«ԱԼԻՔ» – Փաստաբան, հասրարակական գործիչ Արամ Վարդեւանեանն իր ֆէյսբուքեան էջում գրառում է կատարել՝ անդրադառնալով Վեհարանի վրայ գրոհելու մտադրութեան մասին՝ Նիկոլ Փաշինեանի վերջին յայտարարութեանը.
«Սահմանադրութիւնը կրկին պէտք է նշել՝ երաշխաւորում է Հայ Առաքելական Սուրբ Եկեղեցու բացառիկ կարգավիճակը: Նշւածը երաշխաւորում է նաեւ պետական մարմինների յստակ պարտականութիւն չմիջամտելու մեր Մայր Աթոռին, այդ թւում Վեհափառ Հայրապետի գործունէութեանը:
Գործադիր իշխանութեան ղեկավարը պաշտօնապէս յայտարարում է Հայ Առաքելական Սուրբ Եկեղեցու եւ Վեհափառ Հայրապետի նկատմամբ ոտնձգութեան ցանկութեան մասին, նոյնիսկ արդէն «պատրաստւելու» կոչ է անում: Այս ամէնն ակնյայտ ապօրինի է, հակասահմանադրական է եւ պարզապէս ամօթալի է»,- գրել է նա:
