Թրամփը Եւրոպայի համար տխուր ապագայ է կանխատեսել եւ խօսել «20 խնդրայարոյց կէտերի» մասին
«ԱԼԻՔ» – Շաբաթ օրը ԵՄ-ի եւ ԱՄՆ-ի միջեւ լարւած բանակցութիւնները շարունակւեցին՝ Շոտլանդիայում ԱՄՆ նախագահ Դոնալդ Թրամփի եւ Եւրայանձնաժողովի նախագահ Ուրսուլա ֆոն դէր Լայէնի միջեւ կարեւոր հանդիպումից առաջ, որի նպատակն էր խուսափել թանկարժէք առեւտրային պատերազմից։ Հաղորդում է News.am-ը՝ միջազգային ԶԼՄ-ներին յղումով:
«Թրամփը մասնաւոր այցով գիշերել է իր ընտանիքին պատկանող Թըրնբերի գոլֆի հանգստավայրում, բայց ժամանակ է գտել քննադատելու եւրոպացի առաջնորդներին քամու տուրբինների եւ ներգաղթի վերաբերեալ՝ ասելով, որ Եւրոպա չի լինի, «եթէ նրանք չհամակերպւեն»,- գրել է The Guardian-ը։
«Ես ուզում եմ երկու բան ասել Եւրոպային։ Կանգնեցրէք հողմաղացները։ Դուք կործանում էք ձեր երկրները։ Ես իսկապէս ասում եմ, դա շատ տխուր է։ Դուք թռչում էք եւ տեսնում էք այս հողմաղացները ամենուր, որոնք կործանում են ձեր գեղեցիկ դաշտերն ու հովիտները եւ սպանում ձեր թռչուններին։ Ներգաղթի հարցում աւելի լաւ է համակերպւէք։ Դուք այլեւս Եւրոպա չեք ունենայ»,- ասել է նա։
Շաբաթ առաւօտեան ԱՄՆ նախագահը հրաժարւել է Air Force One-ում նախատեսւած մամուլի ասուլիսից՝ իր ծովափնեայ դաշտում գոլֆ խաղալու համար, որտեղ հնչում էր իր վարած բագգին։
Գոլֆի դաշտին մօտ գտնւող Sky News հեռուստաալիքը յայտնել է, որ հնչող երգերի թւում են Բիլլի Ջոէլի Uptown Girը, Էլէյն Փէյջի Memory-ն եւ Սայմոնի ու Գարֆանկելի Bridge over Troubled Water-ը։
Շոտլանդիա կատարած իր չորսօրեայ ընտանեկան այցի շրջանակներում Թրամփը կը հանդիպի եւրոպացի առաջնորդների եւ Մեծ Բրիտանիայի վարչապետ Քիր Սթարմերի հետ՝ յոյս ներշնչելով ԵՄ-ի եւ Մեծ Բրիտանիայի հետ նոր եւ բարելաււած առեւտրային համաձայնագրերի վերաբերեալ։
ԵՄ-ի հետ առեւտրային համաձայնագրի հեռանկարների վերաբերեալ ԱՄՆ նախագահը նշել է, որ կան «20 խնդրայարոյց ոլորտներ»։
Հարցին, թէ որոնք են դրանք, նա պատասխանել է. «Դէ, ես չեմ ուզում ձեզ ասել, թէ որոնք են խնդիրները»։
