Լաւրով. «Իր պատմութեան մէջ առաջին անգամ ՌԴ-ն միայնակ է պայքարում Արեւմուտքի դէմ»
«ԱԼԻՔ» – «Առաջին անգամ իր պատմութեան մէջ Ռուսաստանը միայնակ է պայքարում ողջ Արեւմուտքի դէմ, ուստի մենք չենք կարող թոյլ տալ թուլութիւն»։ Այս մասին ըստ ռուսական ՏԱՍՍ-ի՝ յայտնել է ՌԴ արտգործնախարար Սերգէյ Լաւրովը:
«Մենք շատ անելիքներ ունենք։ Դրանցից ամենակարեւորը թշնամուն յաղթելն է։ Իր պատմութեան մէջ առաջին անգամ Ռուսաստանը միայնակ է պայքարում ողջ Արեւմուտքի դէմ։ Առաջին եւ Երկրորդ համաշխարհային պատերազմներում մենք դաշնակիցներ ունէինք։ Հիմա մենք դաշնակիցներ չունենք մարտադաշտում։ Հետեւաբար, պէտք է յոյսներս դնենք մեզ վրայ»,- ասել է Լաւրովը։
Նախարարի խօսքով՝ Ռուսաստանը ռազմական գործողութիւններից բացի այլընտրանք չունէր, քանի որ երկրի համար կարեւոր են ոչ միայն տարածքները, այլեւ դարեր շարունակ այնտեղ ապրած եւ ռուսական մշակոյթի եւ լեզւի կրող հանդիսացող մարդիկ։
«Մենք պնդում ենք այն, ինչը մեր օրինական պահանջն է՝ ապահովել մեր անվտանգութիւնը. Ուկրաինային ՆԱՏՕ չներգրաւել, ՆԱՏՕ-ի ընդլայնում ընդհանրապէս չպէտք է լինի։ Եւ, իհարկէ, մեր Սահմանադրութեամբ ամրագրւած իրողութիւնների ճանաչումը բացարձակապէս անվիճելի պահանջ է»,- ասել է Լաւրովը։
