Լեմմի. «Ուկրաինայի հակամարտութիւնը մօտակայ տարում չի կարգաւորւի»

«ԱԼԻՔ» – Մեծ Բրիտանիայի արտաքին գործերի նախարար Դէյւիդ Լեմմին կարծիք է յայտնել, որ Ուկրաինայի հակամարտութիւնը չի կարգաւորւի առաջիկայ մէկ տարում, եւ դրա շուրջ բանակցութիւնները դեռեւս կը շարունակւեն։ Հաղորդում է Tert.am-ը:

Աւելի վաղ Լոնդոնը բազմիցս խոստացել էր աջակցել Ուկրաինային Ռուսաստանի հետ հակամարտութեան մէջ՝ «այնքան ժամանակ, որքան անհրաժեշտ է»։

«Կարծում եմ, որ բանակցութիւնները մէկ տարի յետոյ էլ կը շարունակւեն։ Հարցն այն է, թէ որքան լուրջ է Ռուսաստանը վերաբերւում այս բանակցութիւններին»,- ասել է նա «Գարդիան» թերթին տւած հարցազրոյցում։