Թրամփը նշել է, որ Պուտինի եւ Զելենսկու երկկողմ հանդիպումը քիչ հաւանական է համարում
«ԱԼԻՔ» – ԱՄՆ նախագահ Դոնալդ Թրամփը Daily Caller-ին տւած հարցազրոյցում ասել է, որ Ռուսաստանի եւ Ուկրաինայի նախագահներ Վլադիմիր Պուտինի եւ Վլադիմիր Զելենսկու երկկողմ հանդիպումը քիչ հաւանական է համարում։
Նրա խօսքով՝ Ալեասկայում կայացած գագաթնաժողովի ժամանակ ինքն ու Պուտինը «համաձայնութեան են եկել»։
«Տեսաք, մենք տարիներ շարունակ լաւ յարաբերութիւններ ենք ունեցել, իրականում՝ շատ լաւ։ Ահա թէ ինչու ես իսկապէս կարծում էի, որ կարող ենք դա անել։ Ես շատ կը ցանկանայի դա անել։ Նրանք գուցէ ստիպւած լինեն մի փոքր աւելի շատ պայքարել»,- ասել է ԱՄՆ նախագահը։
Միեւնոյն ժամանակ, Թրամփը ակնարկել է Ռուսաստանի եւ Ուկրաինայի առաջնորդների երկկողմ հանդիպման քիչ հաւանականութեան մասին։
«Ես չգիտեմ երկկողմ հանդիպման մասին, բայց եռակողմ հանդիպումը անպայման տեղի կունենայ։ Բայց, գիտէք, երբեմն մարդիկ պատրաստ չեն դրան»,- ասել է Թրամփը։
Միեւնոյն ժամանակ, ԱՄՆ նախագահը Ուկրաինայում պատերազմը համեմատել է խաղահրապարակում կռւող երեխաների հետ։
«Երբեմն նրանք ստիպւած են մի փոքր պայքարել, մինչեւ կարողանաք նրանց կանգնեցնել։ Բայց սա տեւում է երկար ժամանակ։ Շատ մարդիկ են մահացել»,- ասել է նա։
