Թուրքիայի արտգործնախարարը նշել է Հայաստանի եւ Ադրբեջանի միջեւ խաղաղութեան համաձայնագրի ստորագրման ժամկէտը
«ԱԼԻՔ» – Թուրքիայի արտգործնախարար Հաքան Ֆիդանը նշել է, որ Ղարաբաղում տարածքների Ադրբեջանի օկուպացիայից յետոյ, Հայաստանի վարչապետ Նիկոլ Փաշինեանը «խաղաղութեան եւ Ադրբեջանի հետ յարաբերութիւնների տեսանկիւնից պատմական ռիսկի դիմեց»: Այս մասին ըստ News.am-ի՝ հաղորդում են թուրքական լրատւամիջոցները։
Այդ գործընթացի համար շնորհակալութիւն յայտնելով Ադրբեջանի նախագահ Իլհամ Ալիեւին եւ նրա զինակիցներին՝ Ֆիդանը նշել է, որ ԱՄՆ նախագահ Դոնալդ Թրամփը եւս ապահովել է պատմական համաձայնագիրը Վաշինգտոնում։
Ըստ նրա՝ վերջնական ստորագրութիւնները դեռեւս չեն արւել Վաշինգտոնում, եւ ստորագրումը սպասւում է յաջորդ տարւայ առաջին կէսին։
«Հայաստանի եւ Ադրբեջանի միջեւ վերջնական համաձայնագիրը ստորագրելուն պէս մենք եւս արագ կը կարգաւորենք յարաբերութիւնները Հայաստանի հետ»,- նշել է Ֆիդանը։
