«ԱԼԻՔ»- Իսլ. յեղափոխութեան առաջնորդի միջազգային հարցերով խորհրդական Ալի Աքբար Վելայաթին լիբանանեան «Al Mayadeen» հեռուստաընկերութեանը տւած հարցազրոյցում անդրադարձել է BRICS-ին Իրանի անդամակցութեան կարեւորութեանը՝ նշելով, որ Իրանի մեկուսացման քաղաքականութիւնը ձախողւել է:
«Այսօր մենք ականատես ենք այն փաստի, որ ԱՄՆ-ի եւ նրա դաշնակիցների՝ Իրանին մեկուսացնելու քաղաքականութիւնը ձախողւել է: Այդ ձախողումն աւելի ակնյայտ դարձաւ Շանհայի համագործակցութեան կազմակերպութեանը Իրանի պաշտօնական անդամակցութեամբ, իսկ այժմ, նաեւ, BRICS-ին անդամակցութեամբ»,- նշել է Վելայաթին՝ յաւելելով, որ տարածաշրջանի երկրները եւս որոշակի փոփոխութիւններ մտցնելով իրենց արտաքին քաղաքականութիւնում սկսել են աւելի քիչ վստահել ԱՄՆ-ին եւ որդեգրել են տարածաշրջանի երկրների հետ առաւել սերտ համագործակցութեան քաղաքականութիւն:
Անդրադառնալով BRICS-ին Իրանի անդամակցութեան կարեւորութեանը, Իսլ. յեղափոխութեան առաջնորդի միջազգային հարցերով խորհրդականը նշել է. «Պէտք է հաշւի առնել այն փաստը, որ BRICS-ին հսկայական տնտեսական կարողութիւններ եւ ներուժ՝ աշխարհի բնակչութեան կէսը պարունակելու պատճառով, եւ այս տեսանկիւնից Իրանը կարող է առանցքայի դեր ունենալ նոր ներուժի ստեղծման, անդամ երկրների հետ յարաբերութիւնների ընդլայնման եւ քաղաքատնտեսական յարաբերութիւնների զարգացման գործում»:
«BRICS-ին անդամակցութիւնը վկայում է աշխարհի հետ կառուցողական յարաբերութիւններ ձեւաւորելու՝ Իրանի վճռակամութեան մասին, ինչը ձախողել է Իրանին մեկուսացնելու ԱՄՆ-ի եւ մեծապետական ուժերի քաղաքականութիւնը: Այսօր, Իրանի Իսլամական Հանրապետութիւնը նախկինի համեմատութեամբ առաւել քան հզօր դիրքերից, իր ակտիւ դիւանագիտութեան շնորհիւ, կառուցողական եւ դրական դերակատարութիւն ունի բոլոր ոլորտներում՝ տարածաշրջանում եւ աշխարհում»,- ասել է Վելայաթին:
