Politico. «Ադրբեջանը ցանկանում է զօրքեր ուղարկել Գազայի հատւած»
«ԱԼԻՔ» – Մերձաւոր Արեւելքի սահմաններից դուրս գտնւող երեք երկրներ՝ Ինդոնեզիան, Ադրբեջանը եւ Պակիստանը, գլխաւոր յաւակնորդներն են Գազայի հատւածում ապագայ կայունացման ուժերի համար զօրքեր մատակարարելու հարցում, գրում է News.am-ը՝ Politico-ին յղումով։
ԱՄՆ պաշտպանութեան նախարարութեան պաշտօնեան եւ քննարկումներին ծանօթ ԱՄՆ պաշտպանութեան նախարարութեան նախկին պաշտօնեան յայտնել են, որ վերոնոշեալ երկրներն առաւել մեծ շահագրգռւածութիւն են յայտնել զօրքեր տրամադրելու հարցում։
Ինդոնեզիան, որն աշխարհի ամենամեծ մահմեդական համայքն ունեցող երկիրն է, ձգտում է մեծացնել իր ազդեցութիւնը համաշխարհային ասպարէզում։ Պակիստանը եւ Ադրբեջանն այն երկրներն են, որոնք աւելի սերտ կապեր են հաստատել Թրամփի վարչակազմի հետ եւ կարող են ձգտել Վաշինգտոնի հետագայ բարեհաճութեանը։
Զօրքերի կազմի վերաբերեալ բանակցութիւնները շարունակւում են, եւ ըստ Պաշտպանութեան նախարարութեան պաշտօնեայի, ոչ մի երկիր դեռեւս յստակ պարտաւորութիւն չի ստանձնել։
