Իշխանութիւնը «Մեր ձեւով»-ի դէմ գրոհի է պատրաստւում
Կեղծ նիւթեր դաշտ կը նետեն
«Մեր ձեւով» շարժման երէկւայ (հոկտեմբերի 18-ԽՄԲ.) ազդեցիկ հանրահաւաք-երթից յետոյ իշխանութիւնը կրկին հիստերիայի մէջ է ընկել, երկրորդ օրն է իշխանական եւ մերձիշխանական շրջանակները լծւել են հաւաքը սեւացնելու, ծաղրելու գործին, հնարաւոր եւ անհնար միջոցներ են ձեռնարկում՝ ինչպէս վարկաբեկել թափ հաւաքող շարժումը։
Մերձիշխանական հարթակները արդէն երէկւանից տարածում են հանրահաւաքի շարքերում ներդրւած հասարակ քաղաքացիների մասնակցութեամբ տեսանիւթեր, որտեղ մարդիկ պատասխանում են ուղղորդւած հարցերի, անում շարժումը նսեմացնող յայտարարութիւններ։
Մեզ հասած տեղեկութիւններով, իշխանութիւնները պատրաստւում են դաշտ նետել տարաբնոյթ կեղծ տեղեկութիւններ ու սարքած նիւթեր` այդ թւում ձայնագրութիւններ, որոնցով կը փորձեն տպաւորութիւն գործել, թէ մարդկանց փողով են հանրահաւաքի բերել:
«Հրապարակ»
