Լաւրով. «Ռուսաստանը պատրաստ է քննարկել Պուտին-Թրամփ գագաթնաժողովի նախապատրաստական աշխատանքները»
«ԱԼԻՔ» – Մոսկւան պատրաստ է Վաշինգտոնի հետ քննարկել Ռուսաստանի եւ ԱՄՆ նախագահներ Վլադիմիր Պուտինի եւ Դոնալդ Թրամփի միջեւ Բուդապեշտում կայանալիք գագաթնաժողովի նախապատրաստական աշխատանքները: Այս մասին յայտարարել է Ռուսաստանի արտաքին գործերի նախարար Սերգէյ Լաւրովը։ Այս մասին փոխանցում է «ՌԻԱ Նովոստի»-ին:
«Մենք նաեւ պատրաստ ենք մեր ամերիկացի գործընկերների հետ քննարկել Ռուսաստանի եւ Միացեալ Նահանգների առաջնորդների միջեւ նրանց առաջարկած գագաթնաժողովի նախապատրաստական աշխատանքների վերսկսման հարցը, եթէ եւ երբ մեր ամերիկացի գործընկերները թարմացնեն իրենց առաջարկը եւ պատրաստ լինեն սկսել գագաթնաժողովի նախապատրաստական աշխատանքները, որպէսզի այն իսկապէս յաջող լինի»,- ասել է Լաւրովը:
Նախարարը շեշտել է նաեւ, որ Բուդապեշտը կը լինի Ռուսաստանի նախընտրելի վայրը գագաթնաժողովի համար։ Նա յիշեցրել է, որ Թրամփն ինքը նախկինում արտայայտել էր այս կարծիքը։
