Սլովակիան կարող է դատի տալ ԵՄ-ին՝ ռուսական գազի մատակարարումը դադարեցնելու ծրագրերի համար
«ԱԼԻՔ» – Սլովակիան քննարկում է ԵՄ-ին դատի տալու հնարաւորութիւնը Ուկրաինայում պատերազմի հետեւանքով 2028 թւականից ռուսական գազի մատակարարումը դադարեցնելու իր ծրագրերի համար, յայտարարել է վարչապետ Ռոբերտ Ֆիցոն, հաղորդում է Tert.am-ը:
«Յաջորդ շաբաթ կառավարութիւնը կը քննարկի մի փաստաթուղթ, որտեղ մենք կը քննարկենք դատական հայց ներկայացնելու հնարաւորութիւնը», – ճեպազրոյցի ժամանակ ասել է Ֆիցոն՝ չյայտնելով, թէ կոնկրետ ինչ իրաւական հիմքի վրայ են սկսելու գործընթացը:
Սլովակիան եւ Հունգարիան քննադատել են ԵՄ գործադիր մարմնի՝ ռուսական էներգետիկայից փուլ առ փուլ հրաժարւելու ծրագրերը, քանի որ երկուսն էլ դեռեւս մեծապէս կախւած են Մոսկւայից գազի եւ նաւթի մատակարարումներից եւ վախենում են, որ աւելի թանկ այլընտրանքները կը վնասեն իրենց տնտեսութիւններին։
ԵՄ էներգետիկայի նախարարներն անցեալ ամիս աջակցել էին մինչեւ 2028 թւականի յունւարը ԵՄ-ում ռուսական նաւթի եւ գազի ներմուծումը փուլ առ փուլ դադարեցնելու առաջարկին: Վերջնական կանոնները ԵՄ երկրները պէտք է բանակցեն Եւրոխորհրդարանի հետ, որը դեռեւս քննարկում է իր դիրքորոշումը:
