Հաղորդում է ներկայացւել դատախազութիւն՝ եկեղեցու եւ քաղաքացիների սահմանադրական իրաւունքների եւ ժողովրդավարական ազատութիւնների դէմ Փաշինեանի կատարած յանցաւոր գործողութիւնների մասին

2026 թւականի ընտրութիւններին ընդառաջ Հայաստանի իշխանութիւնները, վարչապետ Նիկոլ Փաշինեանի գլխաւորութեամբ, սկսել են քաղաքական հակառակորդներին եւ իշխանութիւնների վարած քաղաքականութեան հետ անհամաձայնութիւն արտայայտող կազմակերպութիւններին եւ անհատներին լռեցնելու բռնաճնշումների մի արշաւանք, որը կոպտօրէն խախտում է Հայաստանի քաղաքացիների սահմանադրական, ժողովրդավարական եւ քաղաքացիական ազատութիւններն ու մարդու հիմնարար իրաւունքները։

Ապօրինի հետապնդումների գլխաւոր թիրախում յայտնւել են Հայ Առաքելական Սուրբ Եկեղեցին, Վեհափառը, բարձրաստիճան այլ հոգեւորականներ, նրանց մերձաւորները, ի պաշտպանութիւն Եկեղեցու հանդէս եկած յայտնի ձեռնարկատէր Սամուէլ Կարապետեանը, ինչպէս նաեւ բազմաթիւ այլ գործիչներ։ Հայաստանի իշխանութիւնները, խախտելով Սահմանադրութեան եւ օրէնքների պահանջները, կոպտօրէն ոտնահարում են մեր ազգային կրօնական կազմակերպութեան ինքնակառավարման սկզբունքը, նրա սեփականութեան իրաւունքները, իշխանական լիազօրութիւնների չարաշահմամբ եւ ինքնիրաւչութեամբ միջամտում նրա ներկազմակերպական գործերին, խախտում մասնաւոր եւ ընտանեկան կեանքի, պատւի ու բարի համբաւի անձռնմխելիութեան սկզբունքը։

Վարչապետ Նիկոլ Փաշինեանն անձամբ պատասխանատու է այդ խախտումների համար։ Նա ղեկավարում, կազմակերպում, հրահանգում եւ իրագործում է վերոնշեալ յանցագործութիւնները։

Հաշւի առնելով Նիկոլ Փաշինեանի հսկայական ազդեցութիւնը գործադիր իշխանութեան եւ արդարադատութեան համակարգի վրայ, ինչպէս նաեւ օրէնքը անձնական կամայականութեամբ փոխարինելու նրա անթաքոյց եւ ապացուցւած պատրաստակամութիւնը, նրա գործողութիւնները անմիջական սպառնալիք են ներկայացնում մեր պետական համակարգի օրինական գործունէութեան, ժողովրդավարութեան, քաղաքացիական ազատութիւնների եւ մարդու իրաւունքների համար։

Պահանջում ենք Գլխաւոր դատախազից Սահամանդրութեամբ եւ օրէնքնով նախատեսւած գործողութիւններ կատարել, քրէական պատասխանատւութեան կանչելով վարչապետ Նիկոլ Փաշինեանին եւ նրա բոլոր յանցակիցներին։ Ստորեւ ներկայացնում ենք հաղորդումը յանցագործութիւնների կատարման մասին։

Ժաննա Ալեքսանեան, իրաւապաշտպան

Արման Վեզիրեան, «Հելսինքեան Ասոցիացիա»

Նատալիա Մարտիրոսեան, «Հելսինքեան Քաղաքացիական Ասամբլեայի Հայկական կոմիտէ»

Արէն Նահապետեան, «Իրաւունքի եւ ազատութեան կենտրոն»

Հայկ Նահապետեան, «301-ի Խորհուրդ» ՀԿ

Տիգրան Պասկեւիչեան, լրագրող հրապարակախօս

Արամ Աբրահամեան, «Առաւօտ» թերթի խմբագիր

Կարէն Քոչարեան, Հրապարակախօս, վերլուծաբան

Սաթիկ Սէյրանեան, Հայաստանի Ժուռնալիստների միութեան նախագահ

Սամուէլ Տօնոյեան, «Գերագոյն խորհուրդ» ՀԿ

Արտաշէս Իկոնոմով, «ՆԺԱՐ» քաղաքական նախաձեռնութիւն

Նինա Կարապետեանց, «ՆԺԱՐ» քաղաքական նախաձեռնութիւն

Արաքսիա Գրիգորեան, «Ապրելու երկիր» կուսակցութիւն

Արամ Թորոսեան, «Նոր ուժ» կուսակցութիւն

Արմէն Մանուէլեան, «Հայաքւէ» քաղաքական նախաձեռնութիւն

Լեւոն Զուրաբեան, «Հայ Ազգային կոնգրես» կուսակցութիւն