Իրանը պատրաստ է ամրապնդել յարաբերութիւնները Չինաստանի հետ
Թեհրանն աջակցում է «Մարդկութեան համար ընդհանուր ապագայ ունեցող համայնքի» հայեցակարգին եւ Չինաստանի նախագահ Սի Ծինփինի չորս գլոբալ նախաձեռնութիւններին, յայտարարել է Իրանի դեսպան Աբդոլռեզա Ռահմանի Ֆազլին՝ Պեկինում կայացած հանդիպման ժամանակ,- տեղեկացրել է «Մեհր»-ը:
Նա ընդգծել է պատրաստակամութիւնը՝ ամրապնդելու բազմակողմ համակարգումը եւ նպաստելու աւելի արդար միջազգային կարգի հաստատմանը, ինչպէս նաեւ նշել, որ կողմերը պատրաստ են արագացնել երկկողմ գործընկերութիւնները դիւանագիտական յարաբերութիւնների հաստատման 55-ամեակի եւ ռազմավարական գործընկերութեան 10-ամեակի առիթով:
Չինացի պաշտօնեան հանդիպումը բնութագրել է որպէս երկկողմ յարաբերութիւնների ապագայ զարգացման ռազմավարական ուղեցոյց, շեշտելով Իրանի միջուկային իրաւունքներին իր երկրի աջակցութիւնը եւ կառավարման ոլորտում փորձի փոխանակման կարեւորութիւնը՝ ռազմավարական կապերն ամրապնդելու համար:
