Գառնիկ Դանիէլեան. «Խուլիգանական պահւածքով աչքի ընկնող տաճարի խոյակին մագլցած այս մարդն Օպերայի եւ բալետի թատրոնի փոխտնօրէնն է»
«ԱԼԻՔ» – ՀՅԴ անդամ, ՀՀ ԱԺ «Հայաստան» խմբակցութեան պատգամաւոր Գառնիկ Դանիէլեանը դեկտմեբերի 18-ին Մայր Աթոռի Սուրբ տաճարում տեղի ունեցած դէպքերի կապակցութեամբ իր ֆէյսբուքեան էջում տեսանիւթ է հարապարակել ու գրել.
«Դեկտեմբերի 18-ին խուլիգանական պահւածքով աչքի ընկնող տաճարի խոյակին մագլցած այս մարդը ոչ աւել, ոչ պակաս Ալ. Սպենդիարեանի անւան օպերայի եւ բալետի ազգային ակադեմիական թատրոնի փոխտնօրէնն է:
Վերջինիս հանդարտեցնելու փորձ անելու ժամանակ է սրտի կաթւած ստացել Տէր Վրթանէս Բաղալեանը:
Նկատելով սոյն անձի պահւածքը՝ տեղում յանցագործութեան մասին հաղորդում եմ ներկայացրել ոստիկանապետ Ղազարեանին (երեւում է կից տեսանիւթում):
Հետաքրքիր է, ի՞նչ գործ ունի մշակութային հաստատութեան ղեկավարը Մայր Աթոռի մուտքի խոյակի վրայ՝ գրոհելու ցուցում տալիս:
Այսպէ՞ս է վարձահատոյց լինում վարչակարգի պարագլխին՝ օպերային թատրոնում իր պաշտօնում մնալու, կամայական պահւածքի վրայ աչք փակելու դիմաց: Նշեմ, որ մամուլում շրջանառւում են տեղեկութիւններ վերջինիս անպարկեշտ պահւածքի մասին:
Առանձին կանդրադառնամ նաեւ այն համայնքապետերին, որոնք մասնակիցն էին դարձել այս խուլիգանութեանն ու աչքի ընկան սեփական հայրենակիցներին հայհոյելով, լկտի արտայայտութիւններ անելով:
Բոլորը, ովքեր մասնակիցն են դարձել այս խուլիգանութեանը, բացայայտւելու եւ վաղ թէ ուշ պատասխանատւութեան են ենթարկւելու: Վախեցէ՛ք Աստծոյ դատաստանից:
Չի՛ ներւելու մեր Սուրբ եկեղեցին անարգելու եւ պղծելու փորձ անող որեւէ մէկը. լինի իշխանութեան ներկայացուցիչ, տիրադաւ եպիսկոպոս, թէ յանուն պաշտօնի ամէն սրբութիւն ուրացող որեւէ անձնաւորութիւն»:
