ԻրանՄիջազգայինՔաղաքական
Վարդան Ոսկանեան. «Դատելով Թրամփի յայտարարութիւնից Իրան-ԱՄՆ պատերազմի վտանգը յետաձգւում է»
«ԱԼԻՔ» – Իրանագէտ Վարդան Ոսկանեանը տելեգրամեան իր ալիքում գրում է.
«Դէ, ինչ՝ կարծէք թէ Իրան-ԱՄՆ պատերազմի վտանգը յետաձգւում է՝ դատելով նախագահ Թրամփի այն յայտարարութիւնից, որ իրեն ոչ ոք չի համոզել, այլ հէնց ինքն է համոզւել, որ հարւած հասցնելը նպատակայարմար չէ։
Իրանի պարագայում երկրի ողջ տարածքում իրավիճակի ամբողջական կառավարելիութիւնը, ակտիւ դիւանագիտութիւնը եւ ռազմական՝ յատկապէս հրթիռային ներուժը եւ դա օգտագործելու վճռականութիւնն, ըստ էութեան, ստեղծում են անվտանգութեան բազմաբաղադրիչ այն բարձիկը, որն այս երկրի դէմ պատերազմը նոյնիսկ աշխարհի թիւ մէկ գերտէրութեան եւ ամենաթանկ բանակի համար դարձնում է անկանխատեսելի եւ վտանգաւոր գործընթաց, հետեւաբար նկատելիօրէն բարձրացնում այն սկսելու մասին որոշման գինը»։ Այս մասին հաղորդել է yerkir.am-ը:
