Քաղբանտարկեալների հարցը մեզ համար առաջնային օրակարգային խնդիր է

ՀՅԴ Հայաստանի Գերագոյն մարմնի ներկայացուցիչ, ՀՀ ԱԺ «Հայաստան» խմբակցութեան պատգամաւոր Իշխան Սաղաթէլեանը եւ ՀՅԴ Հայաստանի ԳՄ անդամ, ՀՀ ԱԺ «Հայաստան» խմբակցութեան պատգամաւոր Գեղամ Մանուկեանը յունւարի 21-ին այցելել են «Արմաւիր» ՔԿՀ՝ տեսակցելու քաղբանտարկեալներ Նարեկ Սամսոնեանին, Վարդան Ղուկասեանին, Վազգէն Սաղաթէլեանին եւ Խաչիկ Գալստեանին: Այս մասին յայտնել է Իշխան Սաղաթէլեանը:

Նա նշել է. «Երկու օր առաջ, Գեղամ Մանուկեանի հետ այցելեցինք «Արմաւիր» ՔԿՀ՝ տեսակցելու այդ պահին 10 օր շարունակ հացադուլի մէջ գտնւող քաղբանտարկեալ Նարեկ Սամսոնեանին։ Այդ քայլով նա իր արդարացի բողոքն էր արտայայտում այս իշխանութիւնների ապօրինի որոշումների դէմ՝ հանրութեան ուշադրութիւնը սեւեռելով բոլոր քաղբանտրկեալների խնդիրների վրայ։

Արդէն այդ օրը նրան յայտնել էին, որ յաջորդ օրը վերջինս կտեղափոխւի բժշկական կենտրոն, որտեղ կցուցաբերւեն առողջութեան պահպանման համար անհրաժեշտ բժկական ծառայութիւններ եւ կիրականացւի անհրաժեշտ վիրահատական միջամտութիւն։

Սակայն Նարեկ Սամսոնեանի հիւանդանոց տեղափոխումն իրականացւեց միայն երկու օր անց, իսկ այսօր «Քրէակատարողական բժշկութեան կենտրոն» ՊՈԱԿ հոսպիտալացման թոյլտւութիւն տալու փոխարէն որոշում կայացւեց Նարեկին յետ վերադարձնել «Արմաւիր» ՔԿՀ։

Ստեղծւած իրավիճակն ուղիղ սպառնալիք է ապօրինի կալանաւոըւած քաղաքացու առողջութեանը եւ պահանջում է անյապաղ միջամտութիւն։

Մեր գործընկերներն ամէն ինչ անում են, որպէսզի Նարեկ Սամսոնեանը անյապաղ ստանայ հասանելիութիւն անհրաժեշտ բժշկական ծառայութիւններին։

Նոյնանման իրավիճակ է նաեւ Վարդան Ղուկասեանի պարագայում, ով ունենալով կալանքի հետ անհամատեղելի առողջական խնդիրներ եւ հիւանդութիւններ շարունակում է զրկւած մնալ պատշաճ բուժօգնութիւնից՝ ապօրինի կալանքի պատճառով։

«Արմաւիր» ՔՀԿ կատարած այցելութեան օրը տեսակցեցինք նաեւ քաղբանտարկեալներ Վազգէն Սաղաթէլեանին եւ Խաչիկ Գալստեանին, ովքեր իրենց ողջոյններն էին փոխանցում ազատութեան մէջ գտնւող համախոհ հայրենկիցներին։

Եւս մէկ անգամ ուզում եմ ընդգծել, որ քաղբանտարկեալների հարցը մեզ համար առաջնային օրակարգային խնդիր է, եւ հանդիսանում է մեր քննարկումների առանցքային թեմաներից մէկը` քաղաքական ուժերի հետ հանդիպումների ընթացքում»։

Arfd.am