Սեւակ Խաչատրեան. «Սա այլեւս ոչ թէ պաշտօնական դիրքի չարաշահում է, այլ՝ տոտալ բեսպրեդելութիւն»
Վաղարշապատի աւագանու «Յաղթանակ» խմբակցութեան ղեկավար Սեւակ Խաչատրեանը ֆէյսբուքեան իր էջում գրում է.
«Կանչել Քննչական կոմիտէ Սրբազաններին արդէն մեղադրեալի կարգավիճակով, սա այլեւս ոչ թէ պաշտօնական դիրքի չարաշահում է, այլ՝ տոտալ բեսպրեդելութիւն: Եկեղեցին ամուր ու աներեր է, իսկ սա իշխող խունտային այն աստիճան է գցում պարանոյայի մէջ, որ սրանք այլեւս նոյնիսկ ձեւ էլ չեն անում, թէ գործում են օրէնքի շրջանակներում:
Սրբազա՛ն Հայրեր, շնորհակալութիւն եմ յայտնում Ձեզ, Ձեր կամքի, աներերութեան, չարի դաւերին չտրւելու, Քրիստոնէահաստատ մեր եկեղեցին ամուր պահելու ձեր ճիգերի ու նւիրումի համար:
Իսկ տիրադաւ ու հերձւած խմբակին միայն ու միայն ցաւակցել կարելի է, քանի որ աննախանձելի է իրեն եկեղեցուց դուրս դրածի ու հոգեւոր հօր կոչումը «30 արծաթի» հետ փոխանակածի կեանքն ու ճակատագիրը»:
