«ԱԼԻՔ» – Իրանի Կրթութեան եւ դաստիարակչութեան նախարարութիւնը մշակել է միջոցառումների փաթեթ՝ արտակարգ եւ ճգնաժամային պայմաններում ուսումնական գործընթացի անխափան շարունակութիւնն ապահովելու նպատակով։
ԿԴ նախարարութեան խօսնակ Ալի Ֆարհադին յայտարարել է, որ ցանկացած վտանգի դէպքում կրթութիւնը կը շարունակւի այլընտրանքային եղանակներով՝ «ՇԱԴ» հարթակի, Իրանի հեռուստադպրոցի եւ առցանց ուսուցման միջոցով։ Նրա խօսքով՝ հիմնական նպատակը հնարաւորինս պահպանելն է առկայ ուսուցումը, իսկ անհրաժեշտութեան դէպքում կիրառել փոխարինող ձեւաչափեր։
Ֆարհադին նշել է նաեւ, որ որոշ դպրոցներում կը վերագործարկւեն առկայ ապաստարանները, իսկ կրթական համակարգը պատրաստ է տարբեր սցենարների՝ ապահովելու համար ուսման շարունակականութիւնը։
