Տիգրան Աբրահամեան. «Իշխանութիւնը մանեւրում է՝ ե՛ւ ներսի, ե՛ւ դրսի աղմուկից խուսափելու համար»

Yerkir.am-ի համաձայն՝ ՀՀ ԱԺ «Պատիւ ունեմ» խմբակցութեան քարտուղար Տիգրան Աբրահամեանը գրում է.

«Տնային կալանքը որպէս խափանման միջոց ընտրելու իշխանութեան մարտավարութիւնը պարզ նպատակ ունի՝ հեռանալ աղմուկից ու գլխացաւանքից եւ առաւելագոյնս մարդուն զրկել հաղորդակցութեան հնարաւորութիւնից։

Եթէ քաղաքական գործերով բանտային ազատազրկման մասով ընդդիմադիր դաշտը, ակտիւ նախաձեռնութիւնները, գործելու աւանդական գործիքակազմ ունեն, որը լաւ կամ վատ աշխատում է, ապա տնային կալանքների պարագայում իրավիճակը յուսադրող չէ։ Միքայէլ եւ Մկրտիչ Սրբազաններ, Դաւիթ Համբարձումեան, Սամուէլ Կարապետեան, Արթուր Սարգսեան ու երկար շարունակելի ակտիւ գործիչների, հոգեւորականների շարք, ովքեր այս պահին բանտում չեն, սակայն բաւականին մեծ սահմանափակումներով տնային կալանքի ռեժիմում են։ Իշխանութիւնը մանեւրում է՝ ե՛ւ ներսի, ե՛ւ դրսի աղմուկից խուսափելու համար, ինչին պէտք է իրավիճակին համահունչ արձագանքել եւ գործել»։