Ղարիբաբադի. «ԱՄՆ‑ը միջազգային իրաւունքի վրայ հիմնւած կարգի փլուզման գլխաւոր պատճառն է»
«ԱԼԻՔ» – ԱԳՆ իրաւական եւ միջազգային հարցերի փոխնախարար Քազեմ Ղարիբաբադին, ՄԱԿ‑ի Մարդու իրաւունքների խորհրդի բարձր մակարդակի նիստին, յայտարարել է, որ Միացեալ Նահանգների քաղաքականութիւնը՝ ներառեալ ռազմական միջամտութիւնները, տնտեսական պատժամիջոցները եւ պետութիւնների ինքնիշխանութեան դէմ սպառնալիքները, ուղղւած են միջազգային իրաւունքի վրայ հիմնւած համաշխարհային կարգի քայքայմանը։
Նա շեշտել է, որ Իրանը չի ընդունելու այս ապակայունացնող ընթացքը եւ շարունակելու է պաշտպանել իր իրաւունքները՝ ՄԱԿ‑ի կանոնադրութեան, ազգային ինքնիշխանութեան եւ չմիջամտելու սկզբունքի հիման վրայ։
Ղարիբաբադին նաեւ դատապարտել է ԱՄՆ‑ի աջակցութիւնը սիոնիստական վարչակարգին՝ Գազայում գործադրւած պատերազմական յանցագործութիւնների եւ ցեղասպանական գործողութիւնների հարցով եւ ընդգծել է, որ այդ աջակցութիւնը խրախուսում է անպատժելիութիւնը եւ տարածաշրջանային ագրեսիան։
