ԱԳ փոխնախարար Մաջիդ Թախթէ Ռաւանչին ռադիօ NPR-ին տւած բացառիկ հարցազրոյցի ժամանակ նշել է, որ պէտք է կենտրոնանալ դիւանագիտութեան վրայ, որովհետեւ այն կողմերի համար շահաւէտ միակ միջոցն է:
Անդրադառնալով Ժնեւում սպասւող բանակցութիւններին՝ Ռաւանչին հաստատել է, որ բանակցութիւնները նախորդ փուլերի տրամաբանական շարունակութիւնն են եւ տեղի են ունենալու նոյն շրջանակով։ «Իրանը պատրաստ է բարի կամքի դրսեւորում ցուցաբերել քննարկումներին եւ նոյն ազնւութիւնն է ակնկալելով ամերիկեան կողմից»,- նշել է նա։
Բարձրաստիճան դիւանագէտը նաեւ ընդգծել է, որ բանակցութիւնների միակ թեման «միջուկայինն» է, այլ թեմաներ՝ ինչպիսիք են հրթիռային ծրագրերը, քննարկման առարկայ չեն:
Պատասխանելով ԱՄՆ‑ի ռազմական ներկայութեան վերաբերեալ հարցին՝ Ռաւանչին զգուշացրել է.
«Յարձակում կարելի է սկսել, բայց դադարեցնել՝ ոչ։ Նման յարձակումից կարող է վնասւել ողջ տարածաշրջանը»։
Նա յաւելել է, որ Իրանը պահպանում է լաւ յարաբերութիւններ հարեւան պետութիւնների հետ եւ նախընտրում է դիւանագիտական լուծումը։
