Ի հեճուկս Ալիեւի եւ Նիկոլի՝ Արցախի էջը փակւած չէ

Արցախը մեր հայրենիքի անբաժան մասն է, որը թշնամու կողմից օկուպացւելուց առաջ օտարւել եւ Ադրբեջանի մաս էր յայտարարւել ՀՀ «իշխանութեան» կողմից։

Այդուհանդերձ, ի հեճուկս Ալիեւի եւ Նիկոլի, Արցախի էջը փակւած չէ։

Համակերպւել Արցախի կորստի հետ, հրաժարւել մեր սերունդների անօտարելի իրաւունքներից նշանակում է մասնակիցը լինել թշնամու ծրագրերի իրագործմանը, յանցակից դառնալ Նիկոլ Փաշինեանին։

Ըստ այդմ,

– միջազգային, տեղեկատւական բոլոր մակարդակներում պէտք է փաստել, որ տեղի է ունեցել էթնիկ զտում, ցեղասպանութիւն,

– Արցախի պետական ինստիտուտները՝ նախագահ, Ազգային ժողով եւ այլն, պէտք է պահպանւեն եւ գործեն,

– արցախահայութեան քաղաքական, սոցիալական, աշխատանքային եւ մնացած բոլոր իրաւունքները ՀՀ-ում պէտք է պաշտպանւած լինեն։

Գերութեան մէջ գտնւող Արցախի ղեկավարութեան եւ այլ անձանց հայրենիք վերադարձնելու համար պէտք է ձեռնարկել գործուն քայլեր։

Այս ուղղութիւններով իրականացւող աշխատանքները գերակայ են եւ հանդիսանում են մեր ամենօրեայ գործունէութեան կարեւոր մասը։ Բայց այդ աշխատանքն աւելի համակարգւած առաջ տանելու խնդիր ունենք։

Միեւնոյն ժամանակ մէկ անգամ եւս պնդում ենք, որ ի դէմս ՀՀ օրւայ «իշխանութեան»՝ թշնամին ներկայացւած է նաեւ երկրի ներսում։ Դրա հետեւանքով է ՀՀ-ում այսօր էլ շարունակւում Արցախի պետականութեան կործանման, արցախահայութեան տարրալուծման, ոչնչացման, հայրենազրկման անդառնալի ու վերջնական դարձնելու գործընթաց-ծրագիրը։

ԻՇԽԱՆ ՍԱՂԱԹԷԼԵԱՆ

ՀՅԴ Հայաստանի Գերագոյն մարմնի ներկայացուցիչ,

ՀՀ ԱԺ «Հայաստան» խմբակցութեան պատգամաւոր

«Arfd.am»