Մերձաւոր Արեւելքի գլխաւոր իրադարձութիւնները՝ մայիսի 7-ի առաւօտւայ դրութեամբ

Մերձաւոր Արեւելքում իրավիճակը շարունակում է մնալ լարւած եւ անկայուն։ Իրանում եւ ԱՄՆ-ում Իսլամաբադում բանակցութիւնների մասին հաղորդագրութիւնները միայն երկխօսութիւն հաստատելու փորձերն են արտացոլում. կապերը անկանոն բնոյթ են կրում եւ մինչ այժմ արդիւնք չեն տւել։

Միաժամանակ Իսրայէլը, չնայած յայտարարւած զինադադարին, շարունակում է հարւածներ հասցնել Լիբանանի տարածքին, ինչը վկայում է հրադադարի ռեժիմի փաստացի խախտման մասին։ Ընդհանուր առմամբ, տարածաշրջանը շարունակում է գտնւել երկարատեւ էսկալացիայի վիճակում, իսկ հետագայ սրման ռիսկերը պահպանւում են։

ԱՄՆ նախագահ Դոնալդ Թրամփը յայտարարել է, որ Վաշինգտոնն Իրանի հետ յաջող բանակցութիւններ է անցկացրել, եւ մօտ ժամանակում հնարաւոր կը լինի համաձայնութեան հասնել։

Իրանի խորհրդարանի խօսնակ Մոհամմադ Բաղեր Ղալիբաֆը մայիսի 7-ին հեգնանքով է մեկնաբանել լրատւամիջոցներում հրապարակւած տեղեկութիւնները Վաշինգտոնի եւ Թեհրանի միջեւ հնարաւոր համաձայնագրի մասին։ «Վստահիր ինձ, ախպէր» օպերացիան ձախողւել է։ Հիմա վերադառնում ենք առօրեային՝ Fauxios օպերացիայով»,- գրել է նա X սոցիալական ցանցում։

Շւէյցարիայի արտաքին գործերի նախարարութեան պաշտօնական ներկայացուցիչ Մելանի Գուգելմանը մայիսի 7-ին յայտարարել է, որ Ժնեւը պատրաստ է հիւրընկալել ԱՄՆ-ի եւ Իրանի բանակցութիւնները։

Վաշինգտոնը Թեհրանին առաջարկել է հանել նաւահանգիստների շրջափակումը՝ յուշագրի շրջանակում։ Եթէ Թեհրանը ընդունի Վաշինգտոնի շրջանակային առաջարկը, կողմերին սպասում են 30-օրեայ բանակցութիւններ՝ մանրամասն համաձայնագրի շուրջ։ Ամերիկեան կողմի պահանջների թւում են Իրանի առանցքային միջուկային օբիեկտների ապամոնտաժումը եւ ուրան հարստացնելու 20-ամեայ մորատորիումը իսլամական հանրապետութիւնում,- գրում է The Wall Street Journal-ը։