Երկաթուղային տրանսպորտի փորձագէտները, ընդգծում են Ջուլֆայի երկաթուղու կարեւորութիւնը որպէս Իրանի ռազմավարական առեւտրային ուղիներից մէկը, եւ կարծում են, որ այս գծի վերականգնումը կարող է կարեւոր դեր խաղալ երկրի տարանցիկ դիրքի ամրապնդման գործում:
Ըստ Իրանի Դիփլոմասի կայքի՝ այս երթուղին, որը երկար պատմութիւն ունի Իրանի առեւտրում, եւ Իրանի դէմ Իրաքի Բաասական ռեժիմի կողմից պարտադրւած պատերազմի տարիներին այն հանդէս է եկել որպէս ապրանքների մատակարարման հիմնական զարկերակներից մէկը, եւ երկրի ներմուծման եւ արտահանման զգալի մասը կատարւել է դրա միջոցով: Տարածաշրջանի աշխարհաքաղաքական փոփոխութիւններով այս երթուղին որոշ ժամանակով շարքից դուրս է եկել, սակայն այն դեռեւս ունի շահագործման զգալի կարողութիւն։
Ներկայ իրավիճակում այս երկաթուղային գծի վերականգնումը կարող է Իրանին հնարաւորութիւն տալ միանալու կարեւոր տարածաշրջանային երթուղիներին, ներառեալ Կովկասի եւ Սեւ ծովի երթուղիները, ինչպէս նաեւ օգնել զարգացնել տնտեսական համագործակցութիւնը հարեւան երկրների, յատկապէս Հայաստանի հետ:
Այս երթուղին կարող է նաեւ արդիւնաւէտ դեր խաղալ միջազգային միջանցքների ամրապնդման գործում, ինչպիսիք են հիւսիս-հարաւ եւ արեւելք-արեւմուտք միջանցքները, եւ ամրապնդել Իրանի դիրքը որպէս տարածաշրջանում կարեւոր տարանցիկ անցակէտ:
