Օվերչուկ. «ԵԱՏՄ գագաթնաժողովին չմասնակցելու Փաշինեանի որոշումն ազդակ է»
Հայաստանի Հանրապետութեան վարչապետ Նիկոլ Փաշինեանի՝ Աստանայում սպասւող ԵԱՏՄ գագաթնաժողովին չմասնակցելու որոշումը խօսում է այն մասին, թէ ինչպէս է նա դասաւորում իր առաջնահերթութիւնները։ Այս մասին լրագրողներին ասել է ՌԴ փոխվարչապետ Ալեքսէյ Օվերչուկը:
Աւելի վաղ Փաշինեանը յայտարարել էր, որ չի մասնակցելու մայիսի 28-29-ին Աստանայում սպասւող ԵԱՏՄ գագաթնաժողովին։ Գագաթնաժողովում Հայաստանը ներկայացնելու է փոխվարչապետ Մհեր Գրիգորեանը։
«Այն, որ նա այնտեղ չի լինելու, արդէն իսկ որոշակի ազդակ է այն մասին, թէ ինչպէս է նա դասաւորում իր առաջնահերթութիւնները»,-ասել է Օվերչուկը՝ պատասխանելով այն հարցին, թէ ինչպէս կանդրադառնայ Փաշինեանի բացակայութիւնը գագաթնաժողովի աշխատանքների վրայ։
Նրա խօսքով՝ առաջիկայ հանդիպման ընթացքում քննարկւելու են Հայաստանի` ԵԱՏՄ-ին անդամակցութեան համատեքստում ԵՄ-ին անդամակցելու ծրագրերին վերաբերող հարցերը։
«Ինչ ձեւաչափով Փաշինեանը ներկայ կը լինի գագաթնաժողովին… Եթէ նա յայտնւի հեռուստացոյցով, աւելի լաւ կը լինի, քան եթէ ընդհանրապէս չլինի»,-նշել է Օվերչուկը։
