2026 թւականի յուլիսի 30-ին դատարանը մերժեց ԱԺ 8-րդ եւ 9-րդ գումարումների պատգամաւոր Արթուր Սարգսեանի խափանման միջոց տնային կալանքը վերացնելու պաշտպանների միջնորդութիւնը։ Առանց որեւէ փաստարկւած իրաւական հիմնաւորման, կոպտօրէն հակասելով Սահմանադրական դատարանի 2021 թւականի դեկտեմբերի 7-ի որոշմանը, դատարանը Արթուր Սարգսեանի նկատմամբ կիրառւող խափանման միջոցը երկարաձգեց եւս մէկ ամսով։ Այսպիսով, ժողովրդի կողմից ընտրւած պատգամաւորը զրկւած է իր սահմանադրական պարտաւորութիւններն ազատ իրացնելու հնարաւորութիւնից։ Սա ոչ միայն առանձին պատգամաւորի իրաւունքների, այլեւ Ազգային ժողովի լիարժէք գործունէութեան եւ հազարաւոր քաղաքացիների կամարտայայտութեան եւ ընտրական իրաւունքի կոպիտ ոտնահարում է։
Ըստ այդմ. «Հայաստան» դաշինքը յայտարարում է.
1. Արթուր Սարգսեանը քաղաքական պատանդ է։ Նրա նկատմամբ իրականացւող քաղաքական հետապնդման նպատակը նրա պատգամաւորական գործունէութիւնը կաթւածահար անելն է, ընդդիմադիր ձայնը լռեցնելը եւ քաղաքական հաշւեյարդարը շարունակելը։
2. Արթուր Սարգսեանը, 18 Արդարների գործով անցնող բոլոր մեղադրեալները, ինչպէս նաեւ բոլոր քաղաքական բանտարկեալները պէտք է անյապաղ ազատ արձակւեն։
3. Օրէնքի եւ սահամանադրականութեան այս աննախադէպ ոտնահարման վերաբերեալ մեր բողոք-ահազանգը փոխանցելու ենք մեր միջազգային գործընկերներին՝ ակնկալելով նրանց համարժէք գնահատականը։
