«Հայաստան» դաշինքի յայտարարութիւնը
ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարեանի եւ նրա ընտանիքի անդամների նկատմամբ իրականացւող ապօրինի գործողութիւնները լեգիտիմութիւնը կորցրած, սեփական իշխանութիւնը բացառապէս ապօրինութիւններով պահող վարչախմբի հերթական ցինիկ դրսեւորումներն են:
Սա իրաւական գործընթաց չէ. սա պետական ապարատի բացայայտ ծառայեցումն է մէկ անձի քաղաքական վախերին ու վրէժխնդրութեանը: Խորհրդարանական ամբիոնից հնչող սպառնալիքներին անմիջապէս յաջորդող ուժային արշաւները փաստում են մէկ բան՝ իշխող վարչախումբը, ընդունելով արտաքին բոլոր պարտադրանքները, որդեգրել է ընդդիմութեանը մեկուսացնելու դիմադրութեան բոլոր հնարաւոր օջախները ոչնչացնելու քաղաքականութիւն։
Սեփական ընտրազանգւածի համար էժանագին տեսարաններ բեմադրելով՝ գործող իշխանութիւնը փորձում է նաեւ խորացնել հասարակութեան մէջ առկայ վախի մթնոլորտը:
«Հայաստան» դաշինքը յայտարարում է՝
- Շանտաժի, ապօրինի վարոյթների եւ շինծու հետապնդումների լեզւով մեզ հետ խօսելն ապարդիւն է:
- Ո՛չ նախագահ Քոչարեանին, ո՛չ նրա ընտանիքին և ո՛չ էլ մեր քաղաքական թիմին հնարաւոր չէ ընկճել կամ պարտադրել հաշտւել ստեղծւած իրավիճակի հետ:
Մենք շարունակելու ենք մեր պայքարը եւ գործադրելու ենք բոլոր ջանքերը՝ Հայաստանին պարտադրւող նոր զիջումները դիմագրաւելու համար։
Որեւէ բռնապետութիւն յաւերժ չէ, և ապօրինութիւնների հեղինակներն ու կատարողները կանգնելու են պատասխանատւութեան առջեւ:
«ՀԱՅԱՍՏԱՆ» ԴԱՇԻՆՔ
25.8.2026 թ.
